Actividades complementarias da exposición ‘A miña revista favorita’

22 Nov, 2021

Como complemento á exposición A miña revista favorita, que pode visitarse ata o próximo 14 de decembro na Casa Museo Picasso (rúa Payo Gómez 14, 15004 A Coruña) dentro do programa Coruña Gráfica, desenvolveranse dúas actividades relacionadas: o xoves 25 de novembro, ás 18.30, unha revisión de cartafoles destinada a ilustradores e estudantes de ilustración, a cargo do editor e ilustrador Manel Cráneo; e o sábado 27, ás 12.30, un faladoiro sobre o pasado, o presente e o futuro das revistas de BD.

Exposición ‘A miña revista favorita’

13 Out, 2021

A exposición reúne trinta dos máis importantes autores e autoras da BD española en homenaxe ás revistas de cómic históricas, desde o TBO ata El Jueves, pasando por Chicos, Tío Vivo, Tótem, 1984 ou Creepy. Cada un deles fai unha homenaxe ilustrada a revistas de cómic que foron dalgunha forma influentes no medio, e tamén, dalgún xeito, neles mesmos. A mostra acompáñase de exemplares físicos desas revistas cun breve texto contextualizador.

  Actividades da exposición «BANG! 1940-2020»
  «Bang! 1940-2020. Evolución do cómic western»
  «100 anos da bandeira galega no Palacio Municipal da Coruña»
  Exposición ‘Grafismos da pandemia’