«A capacidade de comunicarme dunha forma totalmente distinta e creativa, y ver o produto final despois de tantas horas dedicadas, é a maior das motivacións.»
Cursou o ciclo de animación na Escola de Imaxe e Son. A súa primeira curtametraxe en stop motion foi O terceiro porco, gañadora do premio Mestre Mateo 2016. Traballou para diversas produtoras con clientes finais como Campofrío ou Estrella Galicia; en Algarabía Animación, para diversas canles de Youtube, con vídeos que se achegan aos 100 millóns de reproducións. Actualmente é freelance audiovisual e de animación, imparte talleres e cursos a docentes e alumnos de primaria e secundaria, e é portavoz da asociación de animadores Ánimas Anónimas.
