Actividades complementarias da exposición ‘A miña revista favorita’

22 Nov, 2021

Como complemento á exposición A miña revista favorita, que pode visitarse ata o próximo 14 de decembro na Casa Museo Picasso (rúa Payo Gómez 14, 15004 A Coruña) dentro do programa Coruña Gráfica, desenvolveranse dúas actividades relacionadas: o xoves 25 de novembro, ás 18.30, unha revisión de cartafoles destinada a ilustradores e estudantes de ilustración, a cargo do editor e ilustrador Manel Cráneo; e o sábado 27, ás 12.30, un faladoiro sobre o pasado, o presente e o futuro das revistas de BD.

Exposición ‘A miña revista favorita’

13 Out, 2021

A exposición reúne trinta dos máis importantes autores e autoras da BD española en homenaxe ás revistas de cómic históricas, desde o TBO ata El Jueves, pasando por Chicos, Tío Vivo, Tótem, 1984 ou Creepy. Cada un deles fai unha homenaxe ilustrada a revistas de cómic que foron dalgunha forma influentes no medio, e tamén, dalgún xeito, neles mesmos. A mostra acompáñase de exemplares físicos desas revistas cun breve texto contextualizador.

Tags: banda deseñada, ilustración, historia da BD

Actividades da exposición «BANG! 1940-2020»

13 Set, 2021

Como complemento da exposición BANG! 1940-2020. Evolución do cómic western, ofrécense varias actividades paralelas: unha visita guiada á exposición, a cargo de Ton Pedraz; un faladoiro sobre a temática da mostra, e mais unha conferencia sobre «Historia do cómic western» a cargo do escritor, xornalista e guionista Manuel López Poy.

«Bang! 1940-2020. Evolución do cómic western»

28 Xul, 2021

A exposición BANG! 1940-2020. Evolución do cómic western reúne unha escolma de máis dun centenar de publicacións do coleccionista coruñés Ton Pedraz. Amosa un percorrido de oitenta anos de evolución deste xénero, con exemplares de historias autoconclusivas e tamén de coleccións de series clásicas como Tex, Blueberry, McCoy, Ken Parker, Durango, El Llanero Solitario etcétera. Con elas, o western pasou de ser producido nas súas primeiras décadas por axencias editoriais, que en moitas ocasións usaban autores anónimos, ata acabar por se converter nun xénero reivindicador de nomes propios, con autores de primeira magnitude que elaboraron nel obras de gran calado. Esta exposición pode verse na Casa Museo Picasso desde o 26 de xullo ata o 20 de setembro de 2021. 

Tags: banda deseñada

«100 anos da bandeira galega no Palacio Municipal da Coruña»

30 Xuñ, 2021

A mostra 1921-2021. 100 anos da bandeira galega no Palacio Municipal da Coruña achéganos a este fito histórico a través da ilustración. A primeira parte da mostra está composta por dúas bandas deseñadas a cargo dos guionistas Manuel López Poy e Manel Cráneo (co asesoramento do historiador Xosé Alfeirán), e os ilustradores Alberto Taracido e Rubén Rial. A segunda parte é unha selección de ilustradores e ilustradoras, principalmente da plataforma Coruña Gráfica, que ofrecen a súa homenaxe artística de xeito desenfado e actual. Partindo do símbolo icónico, cada un deles dá a súa visión persoal da bandeira e dos diversos contextos en que se pode encontrar, prestando especial atención a algúns elementos propios da identidade galega. Os participantes son: Branda, Uxío Broullón, Aurora Cascudo, Iria do Castelo, Miguel Cuba, Alberto Díaz, Brais Fierro, Héctor Francesch, Alberto Guitián, Uxía Larrosa, Antón Lezcano, Jorge Peral, Perdivel, Xulia Pisón, Javier de la Rosa, Irene Sanjuán, Luis Sendón e Calros Silvar.

Tags: ilustración, ilustración coruñesa, banda deseñada,

Exposición ‘Grafismos da pandemia’

17 Dec, 2020

Grafismos da pandemia é a primeira mostra totalmente en liña que ofrece a plataforma Coruña Gráfica; unha galería virtual que recolle medio centenar de obras de 24 artistas de diferentes disciplinas, repartidas en obra gráfica e animación audiovisual. Todas elas xiran arredor da Covid-19, un testemuño gráfico da pandemia en que cada artista expresa con liberdade diferentes aspectos desta con distintos tons que van desde a poesía visual ata o humor gráfico.

Chega a edición 2020 de Coruña Gráfica

15 Nov, 2020

Coruña Gráfica, censo e directorio de profesionais da ilustración gráfica no ámbito metropolitano da Coruña, cumpre 5 anos, e axiña presentará nova programación para celebralo. Este ano, por motivos de seguridade, preparamos o 100% das actividades en liña. Para comezar, o programa Treboada creativa online chega hoxe mesmo a través da nosa canle de Youtube.

Tags: ilustración, ilustración coruñesa, banda deseñada, humor gráfico, animación

Vídeo resumo de Medicina Gráfica

27 Nov, 2019

Xa pode verse o vídeo que resume os tres días de actividades do ciclo Medicina Gráfica, con imaxes de varias das magníficas intervencións que compuxeron o programa.

Tags: ilustración, ilustración coruñesa, banda deseñada, BD e saúde, exposición, mesas redondas, charlas,

Os participantes no ciclo Medicina Gráfica

06 Nov, 2019

Autores e autoras de banda deseñada que contan as súas experiencias persoais como pacientes, e tamén como médicos, e profesionais da medicina que promoven edicións ou o emprego da banda deseñada para difundir conceptos médicos son os perfís dos convidados ao ciclo Medicina Gráfica.

Tags: ilustración, ilustración coruñesa, banda deseñada, BD e saúde, exposición, mesas redondas, charlas,

Preséntase o ciclo Medicina Gráfica

31 Out, 2019

A Domus acolle do 6 ao 8 de novembro, dentro do proxecto Coruña Gráfica, o ciclo Medicina Gráfica. As actividades inclúen proxeccións, mesas de debate, unha exposición, un obradoiro e a publicación dun libro, e céntranse na nova corrente científica que usa a banda deseñada como terapia e medio divulgativo sobre os temas relacionados coa saúde.

Tags: ilustración, ilustración coruñesa, banda deseñada, BD e saúde, exposición, mesas redondas, charlas,