«O cliente perfecto é o que ten as ideas claras e sabe aproveitar as características propias dun ilustrador fronte a outro.»
Ilustrador e deseñador gráfico, ten ilustrado varios libros, como Hércules e Xerión (con textos de Manuel Almofrei), Adeliña (de Celia Díaz), Reflejos del Abismo (de Carlos Dopico) e Blod til Baphometh (de Benni Bødker). Membro do Colectivo Polaqia, participou na revista Barsowia. Ten editados dous álbums escritos por Álvaro López, 38 e Sálpock: O val dos Cegos, e publicou dous números da serie Amair, con guión de Kike Benlloch. Codirixe a revista de BD Altar Mutante, onde publica a serie Reino d’Muertos, escrita por Manel Cráneo. O libro Ad mortem recompila boa parte do seu traballo para bandas e festivais dos últimos anos.
