«A ilustración é unha linguaxe máis universal que calquera idioma e un medio moi didáctico.»
Doutorado en Belas Artes pola Universidade de Vigo, ten combinado a investigación coa súa carreira como artista visual, ilustrador e autor de BD. Obtivo, entre outras, bolsas artísticas na Casa Velázquez en Madrid (2015), no Colegio de España en París (2014) e na Academia de España en Roma (2013). Entre as súas mostras individuais están BD de l’Akrasie (París, 2015), Iconville. La ciudad de los signos (Santiago de Compostela, 2012) e Visiones de Babilonia (A Coruña, 2010). Colaborou con ilustracións en revistas como Pueblos, Tempo Exterior, Dorna ou Cerna. En 2018 fundou Landra Gráfica, un laboratorio de deseño e ilustración.