«Defendo a arte en xeral como ferramenta de expresión e de cambio moi poderosa.»
Colaborou co Colectivo Polaqia ata a súa disolución en 2011. Na actualidade traballa principalmente para o mercado americano de BD; comezou en Marvel (Amazing Spider-Man, Doctor Extraño) e concéntrase agora en traballos de creación propia amparada pola editorial Image. Con Pretty Deadly (Bella Muerte), xunto a Kelly Sue DeConnick, foi candidata a dous premios Eisner en 2014 e finalmente gañadora como portadista en 2020. Coeditou xunto a Brandon Graham a revista Island, onde incluíu I. D., obra en solitario de ciencia ficción. En Mirror colabora, conxuntamente en labores de guión e de debuxo, coa artista malaia Hwei Lim.
