«A clave é ser quen de transmitir unha idea, ás veces moi complexa, coas ferramentas propias da linguaxe visual.»
El Primo Ramón son Borja López Cotelo, arquitecto e doutor en expresión gráfica, e María Olmo Béjar, arquitecta. Con As cousas que importan (Bululú, 2015) debutaron como autores de texto e ilustracións. Teñen traballado con editoriais do Reino Unido, EUA, China e Francia, ilustrando proxectos educativos para Usborne Publishing, Oxford University Press ou Pearson Education, e literatura infantil (Éditions Auzou, Ta Chien Publishing) e xuvenil (Capstone Publishing, Henry Holt-Macmillan). No campo audiovisual, ilustraron dúas series para o canal de radio infantil CBeebies, da BBC.
