«O estado actual da ilustración? Paradoxal.»
Ilustrador, humorista gráfico, caricaturista e pintor. En 1993 comezou a traballar en humor gráfico para prensa co guionista Carlos López, baixo o pseudónimo de Pinto & Chinto. As súas tiras cómicas apareceron en xornais como Diario 16, La Voz de Baleares ou Diario de León, ademais de en La Voz de Galicia. No campo da ilustración, colaborou con editoriais como Everest, SM, Anaya, Kalandraka, Sotelo Blanco, Círculo de Lectores, Biblos ou Combel. Realizou ilustracións e cómics para as revistas El Virus Mutante, Golfiño, BD Banda, Tretzevents, ECO e Sapoconcho. Ten participado en numerosas exposicións de ámbito nacional e internacional.
