«Non creo que a ilustración en si mesma sexa a que cambie a sociedade; creo que a súa presenza é sinónimo da saúde desta.»
Estudou o ciclo superior de Ilustración e o grao de Deseño Gráfico na EASD Pablo Picasso da Coruña. Traballou na empresa Neograf, na que desenvolveu tarefas moi diversas de deseño e ilustración para clientes como o grupo Inditex ou Estrella Galicia. Despois, estableceuse como freelance e ten realizado diferentes proxectos de ilustración. É membro do Colectivo Miñoco.