«Se todo fose dunha soa cor o mundo sería terriblemente triste. O mesmo sería se a sociedade carecese de discursos gráficos.»
Estudou Ilustración na Escola de Arte Pablo Picasso da Coruña, e fixo un curso de Artes e Profesións artísticas na Escuela Sur do Círculo de Bellas Artes de Madrid e varios de cultura xaponesa en Tokio. Ilustradora e artista plástica, tamén fai animación 2D e realidade aumentada para redes sociais. Ten colaborado na revista Altar Mutante, e a súa obra foi obxecto dunha exposición individual no Festival FKM (Fundación Luís Seoane), en 2018.