«Hai imaxes que contan cousas universais e poden quedar na memoria da xente para aprender de nós mesmos.»
Artista multidisciplinar. Fixo un mestrado de serigrafía na Fundación CIEC, e na actualidade é profesor nese módulo. A súa obra foi exposta de maneira individual en diferentes galerías, museos e institucións en cidades como A Coruña, Vigo, Madrid ou Barcelona. Ten participado en feiras de arte contemporánea como Swab Barcelona, Justmad ou Artelisboa. Ten formado parte da selección de diferentes certames como o Premio Auditorio de Galicia ou a Mostra Internacional Unión Fenosa e expuxo de forma colectiva en lugares como Arts Santa Mònica de Barcelona ou o Centro Cultural Torrente Ballester de Ferrol.