«A ilustración medra na sociedade porque leva os elementos propios do debuxo e da pintura a un plano menos sacramental.»
Estudou Belas Artes na Universidade de Barcelona, na especialidade de gravado. Cursou tamén estudos no Centro de Estampa Contemporánea de Betanzos e un mestrado en Estudos de Cinema e Audiovisual Contemporáneo na Universidade Pompeu Fabra de Barcelona. Recibiu varios galardóns en concursos de cómic e foi cofundadora do fanzine Sacoponcho. Participou cunha historia curta no volume colectivo Licor café.
