«A ilustración é necesaria para a sociedade porque ten a capacidade de expresar ideas complexas dunha forma inmediata.»
Ilustradora e debuxante de cómics. Formada como deseñadora de produto pola Universidade da Coruña, comezou a súa traxectoria profesional en 2010 traballando para a firma de cerámica Sargadelos. Desde 2013 desenvolve o seu traballo de forma independente, realizando proxectos para entidades como Certamen Coreográfico de Madrid, O Salto Galiza, Fuera de Margen, Concello da Coruña ou Xunta de Galicia. En 2017 gañou o Premio de Banda Deseñada Castelao pola súa novela gráfica O Corpo de Cristo.
