«O que máis me motiva no meu traballo é seguir progresando e aprendendo. Mellorar en cada peza.»
De formación autodidacta, fai ilustracións sobre cultura pop e mais carteis alternativos de filmes, e ten realizado láminas con licenza oficial para Lucasfilm e 20th Century Fox. Tamén é autor de carteis oficiais para producións cinematográficas, como o filme Errementari – El herrero y el diablo, producido por Álex de la Iglesia e dirixido por Paul Urkijo. Ten exposto en galerías como Hero Complex e Gallery 1988 (Los Ángeles) e Bottleneck (Brooklyn, Nova York), e ten presentado láminas en convencións como a Comic-Con International: San Diego e a NYCC.