«Ás veces unha imaxe queda reducida á mínima expresión porque o cliente se empeña en cambiala desde o descoñecemento.»
Cursou estudos de Belas Artes na facultade de Pontevedra. Traballou varios anos en proxectos de animación, nas empresas Dygra Films (A Coruña), Bren Entertainment (Santiago de Compostela) e Ilion (Madrid), ademais de traballos como freelance para SPA Studios (Madrid). Nese ámbito dedicouse á creación de deseños para escenarios e personaxes, e á realización de storyboards. Despois comezou a traballar como ilustrador independente, representado pola axencia Shannon Associates (EUA) para todos os territorios agás España. Principalmente fai traballos de literatura infantil e xuvenil, con empresas como HarperCollins, Simon & Schuster, Hoghton Mifflin Harcourt, Heinemann, Scholastic ou Tor Books.
