Tags: ilustración coruñesa, humor gráfico, actividades, talleres
Dentro do programa de actividades paralelas da exposición Desde Coruña con humor, integrada no proxecto Coruña Gráfica, desenvolveranse tres «Obradoiros de humor inocente» dirixidos a introducir na creación de humor gráfico a rapaces e rapazas de entre 12 e 16 anos, que terán lugar en tres bibliotecas municipais diferentes: o sábado 16 de decembro, na Biblioteca Infantil e Xuvenil (rúa Durán Loriga, 10, 15003 A Coruña); o sábado 23, na Biblioteca Infantil do Fórum (rúa Río Monelos, 1, 15006 Coruña), e o venres 26 de xaneiro na Biblioteca do Centro Ágora (lugar da Gramela, 17, 15010 A Coruña). Nos dous primeiros casos, o horario será de 11:00 a 13:00, e no obradoiro do Centro Ágora, de 18:30 a 20:30.
Os talleres estarán impartidos por Alberto Guitián, ilustrador e humorista gráfico cuxa obra está incluída tamén na exposición Desde Coruña con humor. Guitián ten colaborado con publicacións como El Jueves, Retranca, O Botafumeiro, Fotogramas, ¡Caramba!, Público ou Tinta Libre, e é autor dos álbums Fito & Pita, Petaco e El Circo Lorza. Máis información sobre Guitián aquí.
As inscricións son gratuítas, e o prazo de inscrición ábrese en cada biblioteca unha semana antes do obradorio correspondente.